Allir með: - ein kennslustund sem allir komast inn í

Flestir bekkir eru margir bekkir. Í sömu stofu sitja nemendur sem lesa illa, nemendur sem eru að læra íslensku, nemendur sem þurfa skýra ramma til að halda einbeitingu, nemendur sem eru á eftir og nemendur sem eru langt á undan. Kennarinn á að ná til þeirra allra, í einu, með sömu bókinni. Það er verkið sem tekur mestan tíma í undirbúningi og fær minnstan stuðning.

Allir með er nýtt verkfæri í Viskubrunni sem tekur einmitt þetta verk. Þú lýsir bekknum eins og hann er, án nafna: hve margir nemendur, hve margir með lestrarerfiðleika, hve margir með íslensku sem annað tungumál, og svo framvegis. Þú setur inn kaflann sem á að kenna, sem heiti, texta eða PDF úr námsbókinni. Á tveimur til fjórum mínútum færðu leiðarvísi fyrir allan kaflann:

- Hvað efnið krefst. Hvar í kaflanum hindranirnar liggja fyrir þennan bekk, á hvaða blaðsíðum og af hverju.

- Fyrir alla. Fáar breytingar á kennslunni sem kosta ekkert og hjálpa öllum.

- Fyrir hvern hóp. Hverju á að breyta í efninu, hvað kennarinn gerir öðruvísi, hverju má sleppa, og hvernig hver hópur sýnir sömu hæfniviðmið.

- Stuðningsefni. Orðalisti kaflans, kjarninn í stuttu máli, setningarammar, verkefnaspjald og dýpkunarspurningar, tilbúið til að afrita.

- Fyrir stuðningsfulltrúann. Síða sem þú réttir honum í upphafi kaflans: hverjum hann sinnir og hvenær, hvernig hann hjálpar án þess að gera verkið fyrir nemandann, hvað hann segir þér eftir tímann, og hvað hann á ekki að gera. Þetta er sá hluti undirbúnings sem oftast vantar.

- Námsmat og gátlisti. Hvernig þú sérð í lok kaflans hvort kjarninn skildist, og hvað þarf að vera til áður en byrjað er.

Hæfniviðmiðin eru sótt beint úr aðalnámskrá og staðfest, með kóða, svo þú getur flett þeim upp.

Verkfærið endurskrifar ekki námsbókina. Nemendur hafa hana. Það segir þér hvernig þú kennir hana þessum bekk, og gerir stuðninginn tilbúinn.

Ekkert er vistað. Engin nöfn koma við sögu, bekknum er lýst með tölum, og leiðarvísirinn sem þú prentar eða sækir sem Word-skjal er eina eintakið. Vafrinn þinn getur munað samsetningu bekkjarins svo þú þurfir aðeins að setja inn næsta kafla.

Allir með er undir Kennsla og skipulag, eða skrifaðu „bekkur með fjölbreyttar þarfir" í leitarreitinn á forsíðunni.